Maayong gabii, mga Kabarangay!
Gipahibalo ang tanan nga ang pag-apod-apod sa Financial Assistance alang sa mga naapektuhan sa Bagyong Tino ipahigayon ugma, July 30, 2026, sa Tejero Elementary School.
Kini nga venue gipili pinaagi sa paningkamot sa atong Barangay Kapitan Harold Seno aron masiguro nga adunay hapsay ug angay nga lugar alang sa maong distribusyon.
📅 Petsa: July 30, 2026
⏰ Oras sa pagtapok: 8:00 AM
📍 Lugar: Tejero Elementary School
📌 MGA PAHINUMDOM:
- Palihug didto magtapok sa Tejero Elementary School sugod alas 8:00 sa buntag.
- Unahon sa pagpasulod ang mga estudyante tungod kay adunay klase nga nagpadayon. Ang mga benepisyaryo pasudlon human niini.
- Palihug maghilom ug likayi ang pagsaba aron dili masamok ang mga estudyante ug ang ilang klase.
Mangayo kami sa inyong pagsabot ug kooperasyon aron mahimong hapsay ang pag-apod-apod sa ayuda.
Daghang salamat, mga Kabarangay!
#BarangayTejero #FinancialAssistance #BagyongTino #PublicAdvisory
